Трамп ги затвора радиодифузерите „Гласот на Америка“ и „Радио Слободна Европа“?

Стотици репортери и други вработени во Гласот на Америка, Радио Слободна Азија, Радио Слободна Европа и други медиуми денеска добиле електронска пошта во која се вели дека ќе им биде забрането да влезат во нивните канцеларии и дека треба да ги предадат прес-картичките, телефоните издадени од канцеларијата и останатата опрема. Во електронската пошта се вели дека  вработените на Гласот на Америка се ставени на административно отсуство. Како последица на тоа, целиот постојан персонал, вклучително и лидерите на агенциите, мора веднаш да престанат со работа, што значи и прекин на продукцијата на вести.

Следете a1on на Instagram

Трамп воедно навел дека Американската агенција за глобални медиуми (USAGM) е меѓу „елементите на федералната бирократија за кои претседателот утврдил дека е непотребна“.

Кари Лејк, симпатизерка на Трамп и поранешна водителка на вести од Аризона, која беше поставена на чело на медиумската Агенција откако ја изгуби кандидатурата за американскиот Сенат, во електронска пошта до медиумите што ги надгледува навела дека „парите од федералните грантови повеќе не ги спроведуваат приоритетите на агенцијата“.

Претставникот на Белата куќа, Харисон Филдс, во објава на Х, едноставно напиша „збогум“ на 20 јазици, што е саркастичен удар за повеќејазичното покривање на Гласот на Америка.

Следете a1on на Youtube

Goodbye
Adiós
Au revoir
Auf Wiedersehen
Arrivederci
До свидания
وداعًا
再见
अलविदा
Adeus
안녕 / 안녕히 가세요
Kwaheri
বিদায়
خدا حافظ
Tạm biệt
Hoşça kal
خداحافظ
ลาก่อน
Paalam
さようなら https://t.co/xIaYHUhdfb

— Harrison Fields (@HFields47) March 15, 2025

Шефот на Радио Слободна Европа/Радио Слобода, кое започна да емитува програма во советскиот блок за време на Студената војна, го нарече откажувањето на финансирањето „подарок за непријателите на Америка“.

Гласот на Америка (ВоА) е еден од меѓународните радиодифузни државни медиумски мрежи финансирани од федералната влада на САД. Тој е најголемиот и најстариот од меѓународните радиодифузери на САД. Основан во 1942 година, Гласот на Америка произведува дигитални, ТВ и радио содржини на 47 јазици произведени за публика надвор од границите на САД.