Неименуван, добро информиран ирански воен извор изјави за локалните медиуми дека Иран ќе возврати со иста мера ако американскиот претседател Доналд Трамп ја спроведе својата закана за таргетирање на иранските мостови и енергетска инфраструктура.
Трамп јавно се закани дека ќе одговори на секој ирански напад врз кој било брод во Ормутскиот теснец со напади врз иранските мостови или електрани, објави иранската новинска агенција Мехр.
Неименуваниот воен извор рече дека во случај на напад врз иранската инфраструктура, иранските вооружени сили ќе ја нападнат инфраструктурата на земјите во регионот.
Изворот нагласи дека Иран има непоколеблива волја да го потврди суверенитетот над овој стратешки воден пат и никогаш повеќе нема да дозволи Ормутскиот теснец да стане извор на закана за Иран.
„Преминувањето на бродовите низ овој теснец ќе биде безбедно ако се спроведе во координација со Иран и според иранските правила. Во спротивно, земјата нема да се откаже од својата одлучна намера да го контролира овој теснец, сметајќи го за неопходен за нејзината долгорочна безбедност“, рече неименуван воен извор.