Американскиот претседател Доналд Трамп денеска ќе потпише извршна наредба со која ќе се санкционира Меѓународниот кривичен суд (МКС) за напади врз САД и нивните сојузници, како што е Израел, изјави претставник на Белата куќа.
Наредбата ќе воведе финансиски и визни санкции за поединци и членови на нивните семејства кои помагаат во истрагите на МКС против американски државјани или сојузници на САД, рече претставникот, пренесе Ројтерс.
Меѓународниот кривичен суд издаде налози за апсење во ноември за израелскиот премиер Бенјамин Нетанјаху и поранешниот министер за одбрана на земјата Јоав Галант.