Откако доцна синоќа се откри локацијата на паднатиот хеликоптер „Сикорски С-58 ЕТ“ во јужниот дел на Перу, денес спасувачките екипи потврдија дека нема преживеани.
Сите 14 патници кои досега се водеа како исчезнати не ја преживеале несреќата. Хеликоптерот е пронајден на 4.900 метри надморска висина.
Досега до теренот беше невозможно да се стигне поради густата магла и снегот.
Во хеликоптерот патуваа осум Јужнокорејци, еден Швеѓанец, Чех, Холанѓанец и тројца Перуанци, од кои двајца пилоти.
Министерството за надворешни работи на Сеул потврди дека патниците биле на деловно патување таму. Тие биле инжинери кои рабетеле на проект за градење на хидроцентрала.