Пет лица загинаа во пожар во нелиценциран хостел во јужна Полска, соопштија денеска властите, откако пожарот беше изгаснат. Дванаесет други возрасни лица беа евакуирани на безбедно од запалената зграда, соопштија пожарникарите во малиот шлезиски град Пшов.
„Кога пожарникарите пристигнаа на местото на настанот, ја затекнаа целата двокатна зграда и поткровјето во пламен“, рече портпаролот на противпожарната служба.
Пожарот се проширил многу брзо, поради што веројатно пет лица не успеале навреме да стигнат на безбедно, додаде тој.
На местото на настанот пристигнале вкупно 120 пожарникари со 34 амбулантни возила, напиша портпаролот на Министерството за внатрешни работи Јацек Добржински на Х.
– Гости во хостелот биле градежни работници, јави полската ТВН24.
Според раководителот на подрачната администрација, операторот на хостел немал дозвола за работа.