„Тојота“ успеа да ја одбрани титулата на највреден светски автомобилски бренд, објавено е во Извештајот на реномираната бренд консалтинг куќата „Интербренд“.
Во категорија од 100 најдобри светски брендови, „Тојота“ го зазеде високото десетто место. Тоа не е никакво изненадување со оглед на тоа и дека претходните години „Тојота“ беше високо рангирана по прашањата на брендинг и вредност на компанијата. Оваа година вредноста на јапонскиот бренд се зголеми за девет проценти што е сосема доволно за ваков резултат.
Како што се наведува во образложеито, „Тојота“ ја зазема оваа висока позиција првенствено благодарејќи на лојалноста на купувачите и на постојаните напори кои компанијата ги вложува со пријателскиот однос кон природата. Најголема заслуга за тоа има електричниот модел „Приус“, кој успеа да ја зацврсти довербата на купувачите во „Тојота“. И иако голем број возачи се враќаат на „Тојота“, компанијата многу работи на привлекување млади генерации преку популарни цени и одржување на истите кога ќе дојде време стариот автомобил да се замени со нов, се истакнува во образложението.
„Тојота“ во јуни ја доби и наградата за „најзелен“ бренд во автомобилската индустрија. Инаку вредноста на самиот бренд проценета е на 30,28 милијарди долари.