Американскиот државен секретар Рекс Тилерсон го осуди денешниот севернокорејски ракетен тест, нагласувајќи дека е „разочаран и вознемирен“ од фактот што Северна Кореја се почесто врши тестирања на балистички ракети.
– Продолжувањето на овие тестирање се вознемирувачки и ќе се обидеме тие да бидат запрени, изјави Тилерсон за телевизијата Фокс.
Тој најави дека Вашингтон подготвува кампања за економски и дипломатски притисок врз Пјонгјанг, со цел земјата да се откаже од тестирањето на ракети и од развојот на нуклеарна програма.
– Се надеваме дека Севернокорејците ќе ја сфатат пораката дека продолжувањето на програмата за производство на нуклеарно оружје не е патот кој води кон безбедност, а уште помалку кон просперитет, рече Тилерсон.
Северна Кореја денеска изврши ново тестирање на балистичка ракета со среден дострел. Тоа е 11 севернокорејски ракетен тест од почетокот на годината. Лани севернокорејските власти извршија дестина ракетни тестови и две нуклеарни проби.