Тибетското раководство во прогонство најави денеска план за четиридневна кампања чија цел е собирање глобална поддршка заради јакнење на притисокот врз Кина.
Пенпа Церинг, претседател на тибетскиот Парламент во егзил во Дарамшала, град на северот на Индија, изјави дека планот опфаќа собири и состаноци, од кои првиот почнува на 30-ти јануари во Њу Делхи.
– Ситуацијата е се полоша, рече Церинг на прес-конференција со Лобсанг Сангај, претседател на тибетската влада во прогонство.
Според нив, 99 Тибеќани се самозапалиле од 2009 година во знак на протест поради кинеското владеење на Тибет.