Неколку десетици илјади луѓе учествуваа на Парадата на гордоста во Тел Авив која секоја година привлекува посетители од целиот свет.
Поворката со знамиња во боите на виножитото продефилира во приморскиот град.
-Годинава се навршуваат 20 години од првиот јавен геј настан, кој што го организираше градската управа на Тел Авив – истакна Мира Маркус од управата за меѓународна комуникација.
Покрај илјадниците израелски учесници на парадата присуствуваа повеќе од 25.000 туристи.
Од првиот собир во 1998 година, геј парадата во Тел Авив стана една од главните на светската геј и лезбејска сцена.
Наспроти непријателскиот став на ултра-ортодоксните Евреи, хомосексуалноста во Израел не е казнива од 1988 година, а судот призна и неколку права на геј и лезбејските парови.
Елена Георгиевска