Американската администрација има намера да го жртвува она што останало од меѓународното хуманитарно право и темелите на човековата етика и цивилизација на својата незаситна жед за војна и колење, изјави денес портпаролот на иранското Министерство за надворешни работи, Есмаил Багеи.
Според него, Вашингтон води политика која повикува на уништување на мостови и електрани, што е „очигледно нелегално и криминално“, објави Ал Џезира.
– Ова претставува одмазда и колективно казнување, кои се експлицитно забранети како воени злосторства според меѓународното хуманитарно право, рече Багеи.
Тој ги повика американските воени лица да одбијат „нелегални наредби“ и рече дека Иран „цврсто ќе се спротивстави на беззаконието“.
Портпаролот на иранската војска, Мохамед Акрамини, изјави дека иранската војска ќе продолжи со нападите во регионот сè додека САД не ги прекинат нападите врз Иран.
Тој нагласи дека Иран е подготвен за „секое непријателско сценарио“.