Врховниот ирански лидер ајатолах Али Хаменеи предупреди дека во Египет има опасност од граѓанска војна.
– Загрижени сме од она што се случува во Египет. Веројатноста од граѓанска војна секојдневно се зголемува, што би било катастрофално, истакна ајатолахот.
Тој го повика египетскиот народ, политичките и религиозни лидери и интелектуалците да ги разберат опасностите од продолжување на таа ситуација.
Хаменеи го осуди и „масакрот на народот и користењето на јазикот на силата“ од различните страни во конфликтот, предупредувајќи за мешањето на странските сили.
– Ако граѓанската војна почне, ништо нема да ја запре, истакна ајатолахот.