Триесет и седум камиони со гориво за НАТО силите „одлетале во воздух“, кога на премин помеѓу Авганистан и Пакистан биле нападнати од тројца Талибански бомбаши-самоубијци.
Како што соопшти авганистанската погранична полиција, камионите се наоѓале на паркинг на граничниот премин.
Во текот на судирите со полицијата, двајца од бомбашите се убиени, додека третиот успеал да го активира експлозивот, кој се наоѓал на него.
Како што пренесуваат агенциите, Талибанците презеле одговорност за овој напад.
Преминот Торкам се наоѓа на една од главните рути за дотур, која го поврзува пакистанското пристаниште Карачи со базите на НАТО во Авганистан.
Е. Г.