Тајфунот Фитоу, проследен со десетметарски бранови, поројни дождови и ветер со брзина од 42 метри во секунда, го погоди денеска источното крајбрежје на Кина.
Последниот, 23. по ред тајфун оваа година, најжестоко го погоди крајбрежјето на провинцијата Фуџиан.
Засега нема информации за евентуални жртви или причинета материјална штета. Тајфунот Фитоу се движи на север со брзина од 15 до 20 километри на час.
Зголемено ниво на опасност е прогласено во провинциите Фуџиан, Зеџианг и Шангај. На локалните аеродроми се откажани десетици летови.