Новиот премиер на Велика Британија Риши Сунак го одржа својот прв говор по преземањето на „црвено-жешката“ функција прв човек на државата како и претседател на Конзервативната партија и рече дека Велика Британија се соочува со длабока економска криза.
За време на обраќањето пред членовите на Конзервативната партија, кое траеше 90 секунди, Сунак и се заблагодари на Лиз Трас за сработеното и рече дека ја водела земјата во исклучително тешки времиња.
„Чест ми е што ја имав поддршката од моите колеги и што бев избран за претседател на Конзервативната партија. Најголема привилегија е да и служам на партијата што ја сакам и на државата. Велика Британија е одлична земја, но нема сомнеж дека се соочуваме со голема економска криза. Сега ни треба стабилност и единство“, рече Сунак за време на неговото обраќање пред конзервативците.
Поради начинот на кој зборуваше, Сунак стана предмет на потсмев веќе на првиот ден од неговиот мандат, а многумина изјавија дека неговиот говор е премногу „роботизиран“.
‘It is the greatest privilege of my life to be able to serve the Party I love, and give back to the country I owe so much to.’
Rishi Sunak makes his first statement as Conservative leader. pic.twitter.com/guAXGeeuwU
— GB News (@GBNEWS) October 24, 2022
„Тој изгледа како робот кој испорачува флоскули на масите. Совршен политичар“, е еден од коментарите.
„Сунак, трепни двапати ако те киднапираат“, е и еден од коментарите на британските граѓани.