Француски војници стационирани во Централноафриканската република (ЦАР) се судриле со припадниците на милитантната Селека во местото Батангафо на северот од ЦАР. Во судирите загинале повеќе припадници на поранешните бунтовници, пренесува дописникот на МИА од Париз.
– Француските војници од извидувачка мисија беа нападнати од поранешните припадници на Селека при влегувањето во центарот на Батангафо, изјави еден анонимен офицер од Миска за француски медиуми.
Според истиот анонимен извор, француските војници добиле и воздушна поддршка од борбените авиони од типот Рафал, при што повеќе припадници на Селека биле убиени.