Студентските трошоци во Франција пораснаа за 7,38 отсто во текот на една година, најголем пораст забележаа додатните студентски здравствени осигурувања со просечна цена од 411,13 евра, односно пораст од 32 отсто помеѓу 2021 и 2022 година, јави дописникот на МИА.
Со цена од 411,13 евра во просек, овие дополнителни здравствени осигурувања бележат пораст од 32,21 отсто помеѓу 2021 и 2022 година. Детално, овој пораст е 28,08 отсто во Ил-де-Франс и 34,01 отсто во регионот.
Ваквото поскапување се објаснува со состојбата на финансиите на компаниите за заемно осигурување, кои особено од 2019 година повеќе не го добиваат годишниот придонес од 217 евра што го плаќаат студентите за социјално осигурување.
Соочени со овој „наплив“ на трошоците за дополнително здравствено осигурување, студентските синдикати (Фаге) бараат мерки, вклучително и „приврзување на студентите со стипендија за солидарна комплементарна здравствена заштита“ и „еволуција на универзитетските здравствени услуги во здравствени центри за студенти, координирање на целата понудата за нега“.
Студентските осигурувања не се единствените погодени од зголемувањето на цените: меѓу 2021 и 2022 година, сите универзитетски трошоци се зголемуваат за 7,38 отсто за да достигнат 2.527 евра во просек според Фаге, што е повеќе од утврдената инфлација на 6,1 отсто во јули. Овие трошоци за повторен влез навистина одат од 1.132,44 евра на 1.164,36 евра во регионите и од 1.351,14 евра на 1.374,70 евра во Ил-де-Франс во текот на една година, објаснува Фаге.
Извор: МИА