Скандалите во прехрамбената индустија во Европа го наметнаа прашањето за контролите при производството на храната. Неопходно е политичарите да презема одговорност, порачаа потрошувачите.
Европската унија подготвува закон за построга контрола при продажба на генетски модифицирана храна.
Апетитот на потрошувачите во Европа се намалува, а репутацијата на прехрамбената индустрија е нарушена, по низа скандали со коњското месо, лажните органски јајца, афлатоксинот во млеко и пченка.
Потрошувачите бараат политичарите да останат на страна, а да се зголемат контролите за храна, на нејзиниот долг пат од произведувачот, преку продавачот до потрошувачот.
-Ова покажува колку измамата стана вообичаена во производството на храна во Европа. Недостатокот на контролите е систематски, до таа мерка што стана закана за здравите луѓе, тоа е срамно – изјави технолог по храна, Тим Ланг.
Експертите велат дека одговорност не е само кај произведувачите кои користат ефтини суровини, туку и кај потрошувачите кои очекуваат храната да не биде скапа.
-Контролата во компаниите кои продизведуваат храна не е доволна. Постои и слаба комуникација со доставувачите – изјави Барбара Стокинг од „Оксфама“.
Елена Георгиевска