Властите во Северна Кореја му дозволија денеска на странски новинар пристап до тројцата американски затвореници, кои побарале од Вашингтон да испрати високи претставници кои ќе преговараат за нивно ослободување.
На двајца од Американците треба да им се суди во следните 30 дена, а тие се уште не знаат зошто се обвинети, иако властите во Северна Кореја тврдат дека ги прекршиле правилата кои ги имале како туристи, додека еден нивни сонародник е веќе осуден на 15 години затвор.
На тројцата затвореници им било дозволено во присуство на севернокорејски службеници кратко да разговараат со новинарот, а прашањата кои тој им ги поставувал не биле цензурирани.