Речиси 900 жители од четири села во Југозападна Кина се евакуирани поради вдлабнување на земјината површина.
Пукнатината е длабока 1,5 метар, а широка 2,5 метри и се отворила пред едно основно училиште во провинцијата Џанкси. Поради страв од ширење на пукнатината, четири села од синоќа се евакуирани, а државата им обезбедила на селаните храна и вода.
Вдлабнувањето предизвикало рушење на една зграда, додека шест други објекти се искривиле при отварањето на пукнатината. Жртви не се пријавени, а научниците испитуваат што е причина за настанување на процепот.