Стотици илјади Бразилци излегоа синоќа на улица во знак на протест поради корупција во Владата и економската ситуација во државата, само еден месец откако на слични демонстрации излегона повеќе од милион луѓе.
Извикувајќи – „Дилма надвор“ и „Корумпирана Влада“ – демонстрантите бараа оставка од претседателката Дилма Русеф.
Според полицијата во протестите имало околу 600 илјади демонстранти во 100 градови.
Демонстрантите протестираа и поради се повисоката инфлација. Организаторите тврдат дека во демонстрациите учествувале околу милион луѓе. На протестите на 15 март на улици излегоа најмалку 1,7 милиони луѓе.