Генералниот секретар на НАТО Јенс Столтенберг предупреди дека Русија најверојатно ќе продолжи да ја напаѓа електричната мрежа на Украина, гасната инфраструктура и други работи кои се дел од основното функционирање на земјата.
Говорејќи пред новинарите во Букурешт пред дводневниот состанок на министрите за надворешни работи на НАТО, тој рече: „Да се направи ова на влезот на зимата покажува дека претседателот Путин сега се обидува да ја искористи зимата како оружје за војна со Украина“.
Украинскиот претседател Володимир Зеленски синоќа ги предупреди Украинците да се подготват за серија нови руски ракетни напади врз земјата.
„Терористите подготвуваат нови напади. Тоа сигурно го знаеме. И се додека имаат проектили, за жал, нема да запрат“, рече тој.