Стигна реакцијата на Русија на „хистеричниот“ самит на Г7

Од:

Во денешното соопштение за медиумите, руското Министерство за надворешни работи го нарече „политизиран“ самитот на Г7 што се одржа во Хирошима, додавајќи дека лидерите на групата Г7 излегоа во јавноста со антируски и антикинески изјави. Москва ја обвинува Г7 за „поткопување на глобалната стабилност“.

Русија жестоко ги критикуваше лидерите на најмоќните светски економии, вклучително и американскиот претседател Џо Бајден и британскиот премиер Риши Сунак, кои на самитот на Г7 рекоа дека нема да престанат да ја поддржуваат Украина откако Кремљ објави дека руските сили го зазеле градот Бахмут, што Киев го негира.

Руското Министерство за надворешни работи на Телеграм објави дека Г7 е „неповратно изгубена“ и „стана инкубатор на деструктивни иницијативи под водство на англосаксонците“. Во соопштението се обвинува и Г7 за „поттикнување антируска и антикинеска хистерија“.

Да потсетиме, Русија до 2014 година и инвазијата и анексијата на Крим беше членка на тој клуб на индустријализирани демократии, кој тогаш беше познат како Г8.

Би можело да ве интересира

Пендаровски: Поддршка за Украина слободно да го избере патот по кој ќе чекори во иднина

Шолц: Нема да испраќаме војници во Украина

Се огласи и Шпанија, не се согласува со испраќање војници во Украина

Велика Британија нема да распоредува војска во Украина

Предраг Петровиќ

ВИДЕО: Во Украина првпат уништен американски тенк Абрамс

Катерина Ѓуровски

Кремљ: Ако Франција испрати војници во Украина, директен конфликт со НАТО е неизбежен

Катерина Ѓуровски