Санкциите на Европската унија за военото крило на Хезболах денеска стапија во сила, по објавувањето во Службениот весник на ЕУ.
На црната листа на ЕУ на физички и правни лица и групи, кои се сметаат за терористички, додадена е и групата „Воено крило на Хезболах“.
Одлуката беше донесена на 22 јули од министрите за надворешни работи на ЕУ. Со тоа се замрзнуваат банкарските сметки во ЕУ на групата, како и тоа дека се заоструваат критериумите за влез на членовите на Хезболах во Европа.