Србија, која претседава со ОБСЕ, денеска свика итен состанок на Постојаниот совет на оваа организација, на кој ќе се разговара за ескалирањето на насилството во источниот дел на Украина.
Средбата ќе се одржи поради драстичното влошување на ситуацијата во источниот дел на Украина, вклучувајќи го гранатирањето на Мариупољ и се поголемиот број на жртви.
На состанокот ќе биде разгледана и потребата за натамошни мировни консултации во следните денови меѓу трилатералната Контакт група на високите претставници на Украина, Русија, претседавачот на ОБСЕ и останатите потписници на документите од Минск.