Спасувачите сè уште копаат низ урнатините за да стигнат до сите преживеани по нападот во средата врз театарот во Мариупол.
Досега се извлечени околу 200 преживеани и се верува дека сите преживеале. Се верува дека повеќе од 1.000 луѓе нашле засолниште во театарот.
Иако не е познат ниту бројот на луѓе, ниту бројот на преживеани, според досегашните изјави се верува дека нема загинато. Скај њуз пишува дека властите не сакаат да зборуваат или да проценуваат какви би можеле да бидат бројките.
Градоначалникот на Мариупол, Вадим Бојченко изјави дека спасувачките операции се уште се во тек.
1.300 луѓе се во засолниште под разурнатиот театар
Народниот правобранител за човекови права Људмила Денисова во телевизиско обраќање рече дека спасувањето е во тек и дека во скривницата под театарот во Мариупол се уште има 1.300 луѓе.