Состојбата во поплавените области во Магдебург, главен град на Саксонија-Анхалт е под контрола, изјави денеска портпаролот на кризниот штаб нагласувајќи дека евакуираните граѓани се уште нема да може да се вратат во своите домови.
Во таа покраина надојдената Лаба и понатаму е опасна и ноќеска во округот на градот Штендал во местото Фишбек една брана е пробиена по што се евакуирани над 400 луѓе.
Заради тоа се појавија проблеми и во железничкиот сообраќај на релација Хановер-Берлин. Во Бранденбург заради пробиената брана во Фишбек ситуацијата се влошува и тука се наоѓаат 450 пожарникари и војници кои подигаат нов насип за да се спречи излевање на реката.
Нивото на Лаба во Бранденбург е понатаму расте. Во градот Витенберге ноќеска нивото на водениот бран е на историски рекорд од 7,85 метри, а метеоролози прогнозираат дека до вторник ќе биде 8,20 метри.
И во Долна Саксонија ситуацијата е сериозна, а во Шлезвиг-Холштајн најсеверната германска покраина на границата кон Данска, луѓето очекуваат поплави додека од градот Лауденбург евакуирани се околу 400 луѓе.