Застои во и прекини во воздушниот и копнениот сообраќај предизвикаа обилните снежни врнежи во делови од Велика Британија.
Најобилни снежни врнежи се забележани во Шкотска, Велс и северните делови на Англија, каде што се формирала снежна покривка и до 15 сантиметри.
Во Шкотска и во северна Англија е прогласено „жолто“ ниво за опасност од снег и голомразица.
Неколку часа затворен за сообраќај беше аеродромот во Глазгов, од каде што летовите се пренасочуваа кон Единбург. Полицијата им сугерираше на граѓаните да не патуваат без поголеми пореби, а компанијата задолжена за одржување на автопатиштата „Хајвејз Ингланд“ им препорача на возачите на камиони со себе да носат лопати, топла облека, храна и вода.