Сомалиските пирати ослободија 26 лица кои речиси пет години беа во заложништво откако беше киднапиран нивниот рибарски брод, изјавија преговарачите кои помогнаа во ослободувањето.
Пиратите во март 2012 година го киднапираа екипажот на бродот Нахам 3, составен од државјани на Кина, Индонезија, Филипини и Тајван.
– Многу сме задоволни што можеме да објавиме дека екипажот е ослободен, изјави синоќа претставник на центарот Партнери за поддршка на заложниците, кој помогна во преговорите за ослободување на киднапираните.
Тој додаде дека заложниците со хуманитарен лет на Обединети нации ќе бидат вратени од Сомалија во своите држави.