Службеник во една франкфуртска банка заспал во моментот на испраќање пари од сметка на сметка и наместо впишаните 64,2 евра, по грешка префрлил над 220 милиони евра, пишува списанието „Дер Стандард“.
Весникот наведува дека грешката набрзо е воочена и исправена, а за инцидентот е обвинета и отпуштена од работа 48-годишна службеничка на банката која имала обврска да ја контролира и работата на „заспаниот“ работник.
По отказот, работничката во банката, која работела во таа финансиска институција од 1986 година, упатила жалба до германскиот суд надлежен за работни спорови, наведувајќи дека е големиот пропуст во трансферот на пари настанал по грешка, а не поради лоша намера.
На судењето, се покажало дека отпуштената службеничка во денот кога се случил инцидентот, проверила над 800 финансиски операции, при што за секоја имала нешто повеќе од една секунда.
Германскиот суд на крајот одлучил дека отказот бил нерегуларен и и наложил на банката да ја врати службеничката на работа.