Словачкиот претседател Андреј Кишка денеска му додели на досегашниот премиер Роберт Фицо мандат за состав на нова влада.
Социјалдемократската партија СМЕР на Фицо победи на парламентарните избори во Словачка, кои се одржаа во саботата, но успеа да освои само 49 од вкупно 150 мандати. Неговата партија треба да побара коалициски партнер за состав на нов владин кабинет.
Осум партии влегуваат во новиот словачки Парламент, затоа преговорите за формирање влада се очекува да бидат тешки.
Четиринаесет пратенички места освои екстремно националистичката партија Наша Словачка на Маријан Котлеба.
На 1 јули Словачка го презема ротирачкото претседателство на ЕУ.