Канцеларијата на словачката Влада добила коверт со непознат бел прав, кој бил адресиран до премиерот Роберт Фицо, објави весникот „СМЕ“, повикувајќи се на телевизијата ТА3.
Како што пренесе дописникот на МИА од Прага, со сомнителната супстанци дошла во контакт една жена, вработена во архивата и полицијата веќе го изолирала местото.
Според портпаролката на полицијата Татијана Куруцова, откако ќе се добие анализата на сомнителната материја, ќе биде одлучено како ќе се третира делото, дали како предизвикување измама или општа опасност.