Словачка ќе побара од Агенцијата за гранична и крајбрежна стража на Европската унија – Фронтекс, да помогне во обезбедувањето на границата со Украина, која е под притисок поради десетици илјади бегалци кои бегаат од конфликтот во Украина, соопшти денеска Министерството за внатрешни работи на земјата.
– И покрај одлуката на словачката влада да ја зајакне заштитата на словачко-украинската граница со распоредување припадници на вооружените сили, ние ќе побараме поддршка и од Фронтекс, се вели во соопштението на Министерството за внатрешни работи. Во соопштението не се дадени детали за тоа каков вид помош е побарана.
Извор: МИА