Противракетниот систем Иџис, што до крајот на годината треба да биде распореден во воената база Девеселу во јужниот дел на Романија, не е насочен против Русија, изјави денеска романскиот министер за надворешни работи Богдан Ауреску.
Тој рече дека системот „не е насочен против Русија, не е нападен, туку одбранбен, не може да ги загрози руските можности за нуклеарно вооружување и во целина не претставува проблем или закана за Русија од ниту еден аспект“.
Министерот истакна дека Романија е членка на НАТО и на нејзина територија присуствуваат соодветни контингенти на САД и на другите сојузници, кои учествуваат во мерките за безбедност, одредени од НАТО на средбата на врвот во Велика Британија минатата година.