Акцијата на меѓународната антитерористичка коалиција не треба да биде ограничена само на борба против џихадистичката група Исламска држава, изјави синоќа египетскиот претседател Абдел Фатах Ал Сиси на средба со американскиот државен секретар Џон Кери во Каиро.
– Идната меѓународна коалиција треба да му се спротивстави на тероризмот насекаде каде што тој постои на Блискиот Исток и во Северна Африка, порача Сиси.
Во соопштението од неговиот Кабинет се посечува дека Сиси на средбата му порачал на Кери дека е вознемирен поради учеството на странци во редовите на Исламската држава кои претставуваат закана за своите и за други држави, бидејќи со нивните „западни пасоши можат слободно да минуваат низ меѓународните аеродроми“.
Според тајните служби во Каиро, во редовите на Исламската држава и други славистички групи во Сирија и Ирак се борат поголем број Египќани кои се припадници на египетските организации Ансар Бајт ал Макдис и Муслиманско братство.