Врховниот командант на вооружените сили на Украина, Олександр Сирски, на Денот на независноста изјави дека Русија е „вечен непријател“ и дека Украина никогаш нема да се откаже од својата слобода.
„Се бориме за нашата слобода веќе 12 години. Четири години се спротивставуваме на целосна инвазија. Украинскиот народ никогаш нема да се предаде ниту да се откаже од својата независност“, напиша Сирски на Телеграм.
Тој нагласи дека вистинската независност не е можна без силна армија и изрази увереност дека Украина ќе има сила да ја одбрани. Тој, исто така, додаде неколку националистички слогани во својата објава.