Сириските влади сили користат хемиско оружје во судирите со бунтовниците во земјата, обвини началникот на Аналитичкиот оддел на израелското воено разузнавање Аман, бригадниот генерал Итај Брун.
– Режимот на претседателот (на Сирија) Башар Асад употреби смртоносно хемиско оружје во повеќе случаи, нагласи Брун во изјава за весникот „Хаарец“.
Според Брун, сиреските владини сили најверојатно го употребуваат гасот зарин, кој предизвикува нервно-парализирачка реакција.