Хеликоптер на сириското Воено воздухопловство денеска истрела три ракети врз градот Ерсал, кој се наоѓа во северниот дел на Либан во близина на границата со Сирија, соопшти претставник на либанските безбедносни сили.
Според истиот извор, една од ракетите паднала во самиот ценатар на Ерсал, но засега нема информации за жртви.
Ова е прв напад на сириската Армија врз населено место на територијата на Либан од почетокот на конфликтот во Сирија.
Во Ерсал во текот на минатата недела пристигнаа голем број сириски бегалци од реонот на градот Кусеир, кој по жестоки борби беше преземен од страна на сириските владини сили.