Сириските владини војски и нивни сојузници се подготвуваат за копнена офанзива во реон под контрола на бунтовниците и кој беше цел на руски напади од воздух во изминатите денови, изјави извор близок до либански Хезболах, јави ДПА.
Неколку илјади борци од Хезболах, иранската елитна воена единица, сириската армија и милиции, се мобилизирани за напади во зоната северно од централниот град Хомс.
Таа зона која е бастион на сириската опозиција речиси од почетокот на конфликтот пред 4,5 години, е под контрола на неколку групи меѓу кои и локалниот огранок на Ал Каеда, Џебхат ал Нусра. Според западни медиуми, во тој реон наверојатно Исламска држава нема присуство.