Син на полска политичарка се самоуби откако медиумите открија дека бил жртва на педофил

Од:

Право и правда (ПиС), владејачката партија во Полска, се најде на удар на критики поради смртта на 15-годишниот син на опозициска пратеничка, кој се самоуби откако беше идентификуван како жртва на педофил во извештајот на државната радио станица. Магдалена Филикс, претставничка на Граѓанската платформа, минатата недела објави дека нејзиниот син Миколај починал.

Миколај изврши самоубиство неколку недели откако Радио Шчечин, дел од државната полска радио мрежа, откри детали за жртвите во извештајот за осудениот педофил кој му овозможи на Филикс лесно да биде јавно идентификуван, пишува Гардијан.

Лани во декември радиото ја откри возраста на малолетникот и дека една од жртвите е син на пратеник. Тие наведоа и дека осудениот, чие судење во 2021 година се одржа зад затворени врати за да се заштитат жртвите, е поранешен член на Граѓанската платформа и кандидат на изборите и ЛГБТ активист. Приказната потоа беше објавена од други државни медиуми.

Поддржувачите на опозицијата тврдат дека национал-конзервативната партија Право и Правда (ПиС) ја искористила приказната за своја политичка корист и е барем делумно одговорна за смртта. Партијата, кој се подготвува за избори оваа година, цврсто ги контролира полските медиуми и кампањите против правата на ЛГБТ.

Лидерот на Граѓанската платформа, Доналд Туск, поранешен полски премиер и претседател на Европскиот совет, го повтори своето ветување на Твитер дека ќе „го повика ПиС на одговорност за секое злосторство, за сите човечки штети и трагедии што ги предизвикаа додека се на власт. .
Радослав Сикорски, полски европратеник и поранешен министер на владата, рече дека случајот го покажува степенот на соработка меѓу обвинителите и медиумите управувани од ПиС, додавајќи дека таквите операции биле „планирани… и рутински се користат за уништување на политичките ривали“.

Би можело да ве интересира

Девет државјани на Украина се повредени во сообраќајна несреќа во Полска

(ВИДЕО) Се урна авион во Полска, засега не се знае дали има преживеани

Полска се подготвува за голема војна

Аларм во Полска: Сојузничките земји по втор пат подигнаа авиони во последните 24 часа

Горан Наумовски

Германија протера авганистанско семејство, Варшава го осуди овој потег како кршење на законот

Горан Наумовски

Избегната голема несреќа во Полска, полициско возило удри во спасувачки хеликоптер на автопат