Земјотрес со магнитуда од 6,7 степени според Рихтеровата скала денеска е регистриран крај Божиќниот остров во Индиски Океан, пренесоа британските медиуми, повикувајќи се на Геофизичкиот институт на САД.
Силниот потрес е регистриран на длабочина од околу 11,5 километри под океанското дно, на околу 180 километри во правец исток-североисток од австралиската територија.
Во моментов нема податоци за настрадани луѓе и предизвикана материјална штета, ниту е издадено предупредување за цунами.