Полуостровот Камчатка на рускиот Далечен Исток денес беше погоден од земјотрес со јачина од 6,0 степени според Рихтеровата скала, соопшти Главната дирекција на руското Министерство за вонредни ситуации за регионот.
„Според огранокот на Геофизичката служба на Руската академија на науките во Камчатка, забележителен потрес по сеизмичкиот настан од 30 јули е регистриран во Тихиот Океан попладнето на 8 декември“, соопшти службата, објави РИА Новости.
Епицентарот на земјотресот беше во Тихиот Океан, на длабочина од 15 километри, 211 километри југоисточно од градскиот округ Петропавловск.
Не е издадено предупредување за цунами, но е пријавена материјална штета.
Зградата на Централната окружна болница Северо-Курилска во областа Сахалин е оштетена.
Земјотресот што го погоди регионот на 30 јули беше еден од најсилните од 1900 година, со магнитуда од 8,8 степени според Рихтеровата скала, потсетува РИА, додавајќи дека оттогаш научниците секојдневно бележат последователни потреси.