Унгарскиот министер за надворешни работи Петер Сијарто денеска изјави дека Будимпешта се противи на удари со оружје со долг дострел на руска територија, бидејќи, како што наведе, тоа повлекува ризик од сериозна ескалација на конфликтот.
„Ако има се повеќе и повеќе оружје во Украина, ако има далекусежни удари на руска територија, ќе има поголема опасност од ескалација, а опасноста од војна ќе стане посериозна и оваа војна само ќе стане потешка. Не го сакаме ова“, напиша Сијарто на Фејсбук пред денешната средба на министрите за надворешни работи и за одбрана во Брисел.
Ова лудило мора да заврши, а исто така и војната во Украина, заклучи шефот на унгарската дипломатија.