Унгарскиот министер за надворешни работи, Петер Сијарто, го повтори противењето на Унгарија на пристапувањето на Украина во Европската Унија, велејќи дека тоа ќе ја ослабне ЕУ и ќе ја доведе до војна.
Во интервју за CNN во Њујорк, Сијарто нагласи дека, наместо да ја зајакне ЕУ, пристапувањето на Украина само дополнително ќе ја комплицира ситуацијата во регионот.
„Пристапувањето на Украина би било негативно за Европската Унија и следствено би довело до војна во ЕУ. Унгарија се спротивставува на овој процес“, рече Сијарто, објави MTI.