Унгарскиот министер за надворешни работи и трговија Петер Сијарто денеска изјави дека е неприфатливо Европската комисија да финансира проекти кои досега биле финансирани од Американската агенција за меѓународен развој (УСАИД) и да ги користи парите на даночните обврзници за финансирање, како што наведе, мешање во внатрешните работи на земјите-членки, со што се нарушува нивниот суверенитет.
Сијарто на прес-конференција по разговорите со неговиот грузиски колега, Макао Бочоришвили, рече дека Грузија е најдобар пример за тоа како „глобалната диктатура на меѓународниот либерален мејнстрим“ се обидува да ги собори „патриотските, конзервативни влади“.
Сијарто истакна дека Грузија е жртва на овој „неверојатен и срамен двоен стандард“ и потсети дека Унгарија стави вето на сите санкции што ЕУ имаше намера да ги воведе против Грузија.