Будимпешта инсистира на тоа дека треба да има крај на борбите и почеток на преговорите меѓу Москва и Киев што е можно поскоро, изјави унгарскиот министер за надворешни работи Петер Сијарто во интервју за ТАСС.
„Знаете, нашиот став е многу јасен кога станува збор за војната што е до нас. Ние веруваме дека Русија не може да биде поразена во оваа војна“, рече тој.
Западот, вели тој, продолжува да го снабдува Киев со оружје за да не и дозволи на Москва „голема победа“.
„Преговорите мора да се случат во секој случај. Значи, ако преговорите треба да се случат, тогаш моето прашање е: зошто да ги нема порано отколку подоцна? Колку побрзо започнат преговорите, толку побрзо ќе се воспостави прекин на огнот, толку помалку луѓе ќе бидат убиени и уништувањето ќе биде помало, а ќе има помалку потреба од обнова“, вели шефот на унгарската дипломатија.