Советникот за национална безбедност на Белата куќа, Мајк Волц, и неговиот заменик, Алекс Вонг, ги напуштаат тие позиции, изјавија повеќе извори запознаени со ова прашање за Си-Би-Ес.
Во март, Волц се најде под јавна критика откако состави разговор на платформата „Сигнал“ и погрешно го вклучи новинарот Џефри Голдберг од „Атлантик“ во него, а разговорот вклучуваше разговори меѓу врвни американски претставници за национална безбедност за плановите за напад врз цели на јеменските бунтовници Хути во Јемен.
Голдберг го објави времето на планираниот напад врз Хутите и какво оружје ќе биде употребено.
Откако Волц ја призна автентичноста на извештајот зад затворени врати, претставници на Белата куќа дебатираа дали треба да поднесе оставка, но Волц никогаш не даде таква понуда.
Во тоа време, Трамп не побара од Волц да се повлече, но јавно му ја даде својата поддршка.
За време на првиот мандат на Трамп, Вонг беше заменик-специјален претставник за Северна Кореја, а исто така и заменик-помошник државен секретар за прашања од Источна Азија и Пацификот во Стејт департментот.
Трамп рече дека Вонг помогнал во преговорите со севернокорејскиот лидер Ким Џонг Ун.
Според британскиот „Телеграф“, тој привремено ќе биде заменет од државниот секретар Марко Рубио.