Германската полиција утринава пронајде тела на три лица во куќа во градот Нојмарк, во провинцијата Саксонија. Меѓу загинатите има и две мали деца – петгодишно момче и неговата двегодишна сестра.
Како што јавуваат германските медиуми, полицијата ја прими пријавата околу 8 часот и 30 минути, по што на местото на злосторството пристигнаа инспектори од криминалистичката полиција и полициската управа во Цвикау.
Според досегашните информации, децата ги уби нивниот татко, кој потоа се самоуби со бесење во станот.
Засега не е познат мотивот за злосторството.
„Овој вид на трагедија ги шокира сите, особено нас кои сме родители. Моите мисли се со семејството и сите погодени во овој мал град“, рече Томас Хениг, локален функционер на ЦДУ.
Полицијата ја продолжува истрагата за утврдување на сите околности на овој трагичен настан.