Кинескиот претседател Си Џинпинг изјави денеска дека Пекинг е „подготвен за уште посилно партнерство“ со Москва со цел „да се одржи меѓународната енергетска безбедност“. Зборовите на Си од писмото упатено до учесниците на четвртиот кинеско-руски енергетски форум беа цитирани од државната телевизија CCTV.
„Кина е подготвена да работи со Русија за да воспостави уште посилно енергетско партнерство и да го промовира развојот на чиста и зелена енергија и заеднички да ја одржува меѓународната енергетска безбедност и стабилноста на индустриските синџири“, напиша Си.
Државната кинеска новинска агенција, исто така, го цитираше Си дека Русија и Кина ја „зајакнале комуникацијата и координацијата“ и „ја демонстрираа силната отпорност на кинеско-руската енергетска соработка и широкиот обем на кинеско-руско сеопфатно координативно партнерство за нова ера. .