Со интензивирањето на вториот бран на коронавирусот во Европа, Швеѓаните полека се откажуваат од благи мерки, јавија локалните медиуми.
Шведска забрани собири на повеќе од осум лица, а премиерот на Шведска им порача на граѓаните да не одат во теретани и библиотеки, како и да не организираат вечери и забави.
Најновите податоци покажуваат дека Шведска, според бројот на жители, има поголем раст на новозаразени, хоспитализација и стапка на смртност од соседните земји, објави минатата недела „Фајненшл тајмс“.
Во последниве недели, во Шведска расте бројот на нови случаи на дневна основа.
И бројот на хоспитализирани пациенти е драматично зголемен: Во болниците има повеќе од 1.000 пациенти со Ковид-19, што е за 60 проценти повеќе од минатата недела, објави државната телевизија СВТ.
Стапката на смртност од коронавирусот во земјата денеска е една од највисоките во светот во однос на бројот на жители, пренесува „Бизнис Инсајдер“.