Еден локален воз во околината на Стокхолм ноќеска излета од шини и удрил во една куќа, јави дописникот на МИА.
Тоа се случило откако возот пристигнал на последната станица на пругата Салтсјо и неможејќи да закочи го пробил граничниот ѕид на завршетокот на пругата.
Според операторот „Арива“, кој го регулира сообраќајот на споменатата пруга, возот бил ставен во движење од страна на едначистачка.
– Возот без дозвола бил земен од депото, рече Томас Хедениус, комуникациски шеф при „Арива“.
Шведската текевизија јави дека во возот немало патници, а единственото повредено лице при несреќата е чистачката која го возела возот. Засега не се познати мотивите во врска со оваа кражба, која, според полицијата, се одвивала како на филм.